Ադրբեջանի նախագահի թեկնածու, Դեմոկրատական կուսակցության առաջնորդ Սարդար Ջալալօղլուի նախընտրական պլատֆորմը տարբերվում է Ադրբեջանի պետական կարգավիճակի փոփոխության գաղափարով:Ինչպես հայտնում է contact.az-ը, նախօրեին ելույթ ունենալով նախագահի թեկնածուների բանավեճում՝ նա արձանագրել է, որ Ռուսաստանն Ադրբեջանին սպառնալիք է ներկայացնում, անհրաժեշտ է անցնել զարգացման խիստ արեւմտյան ուղղությանը: Ելույթի վերջում նա խոստացել է, որ նախագահ դառնալով՝ կհասնի Թուրքիաի հետ Ադրբեջանի կոնֆեդերացիայի ստեղծմանը:Ընդդիմադիր «Մուսավաթ» կուսակցության նախագահ Արիֆ Հաջիլին հիշեցրել է, որ Թուրքիայի հետ կոնֆեդերացիա ստեղծելու գաղափարը նախկինում առաջ է քաշել «Ահրար» կուսակցության նախագահ Վագիֆ Հաջիբեյլին: «Մուսավաթի» դիրքորոշումը արտաքին քաղաքականության դիրքորոշումների միավորումն է:
