Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը Ստամբուլում ռուսական պատվիրակության հետ բանակցություններից հետո հանդիպել է Baykar Makina անօդաչու թռչող սարքերի արտադրության թուրքական ընկերության գլխավոր տնօրեն Հալուք Բայրաքթարի հետ եւ շնորհակալություն հայտնել նրան Ռուսաստանի հետ պատերազմի համար նախատեսված անօդաչուների համար: «Մեր գեղեցիկ դաշտերում ռուսական զրահատեխնիկան անթերի այրվում է։ Եվ այն կշարունակի այրվել։ Որովհետև «բայրաքթառները» իդեալական լուծում են ցանկացած խնդիր՝ աննկատ, վախեցնող, կործանարար։ Ես միշտ երախտապարտ կլինեմ գերզենքի հեղինակին ու հորը այն բանի համար, որ մենք հաղթելու ենք»,- գրել է Պոդոլյակը Twitter-ում։
