Իրանի ԱԳՆ մամուլի քարտուղար Բահրամ Ղասեմին Թեհրանում կազմակերպված մամուլի ասուլիսի ժամանակ հայտարարել է, որ Իրանը կողմ է հետագա միջոցներ ձեռնարկելուն, որպեսզի վերացվի Ադրբեջանի հետ վիզային ռեժիմը. «Հուսով եմ, որ հաշվի առնելով փոխհարաբերությունները՝ հնարավոր կլինի հասնել առանց վիզայի ռեժիմի սահմանմանը։ Դա կարող է լինել փուլային գործընթաց։ Տվյալ ուղղությամբ առաջին քայլը վիզաներ ստանալու համար պահանջների մեղմացումն է։ Դրանից հետո կարող են վերացվել վիզային պահանջները հատուկ խմբերի համար, իսկ հետագայում՝ մնացած բոլորի»։
