Ստրասբուրգում հոկտեմբերի 24-27-ը կայանալիք ԵՄ խորհրդարանի նստաշրջանին ընդգրկված չէ Ուկրաինային առանց վիզային ռեժիմի տրամադրման հարցը: Այդ մասին են վկայում ԵՄ խորհրդարանի կայքում ներկայացված օրակարգային հարցերը, փոխանցում է EADaily-ն: Փաստաթղթում բացակայում է նաև Վրաստանի վիզային ռեժիմի լիբերալիզացիայի մասին կետը: Նախօրեին Ուկրաինայում ԵՄ ներկայացուցչության ղեկավար Հյուգո Մինգարելլին չի կարողացել պատասխանել այն հարցին, թե երբ է Եվրոպայի խորհուրդն ու ԵՄ խորհրդարանը հավանության արժանացնելու վիզաների չեղարկման հարցը: Ավելի վաղ VERELQ-ը հայտնել էր,որ ԵԽ-ն համաձայնեցրել է բանակցային դիրքորոշումը Վրաստանի համար վիզային ռեժիմի չեղարկման հարցը, սակայն նշվել է, որ այն ուժի մեջ կմտնի առանց վիզաների ռեժիմի եվրոպական մեխանիզմի գործարկման պահին:
