Վելայաթի. «Ինչպես ենք մենք պաշտպանվելու՝ ԱՄՆ-ին չի վերաբերում»

Իրանի հրթիռային ծրագիրը հաշվարկված է երկրի պաշտպանության համար։ Այս մասին հայտնել է Իրանի քաղաքական նպատակահարմարության խորհրդի ռազմավարական հետազոտությունների կենտրոնի ղեկավար Ալի Ակբար Վելայաթին, փոխանցում է ԻՐՆԱ-ն։

Նա շեշտել է, որ Իրանը այլ երկրների թույլատվության կարիքը չունի իր սեփական պաշտպանությունն ապահովելու համար։ «Ինչպես ենք մենք պաշտպանվելու՝ ԱՄՆ-ին չի վերաբերում»,- ասել է նա։ Նրա խոսքով Իրանի հրթիռային ծրագիրը բացառապես պաշտպանական բնույթ ունի՝ «մեծ ու կարևոր երկրի պաշտպանության համար, որը տպավորիչ պատմություն ու արժեքավոր քաղաքակրթություն ունի»։

Վելայաթին նաև շեշտել է, որ Իրանը ձեռնարկելու է բոլոր անհրաժեշտ քայլերը ինքնապաշտպանության համար ու անցկացնելու է հրթիռների փորձարկում, երբ անհրաժեշտ համարի։ «ԱՄՆ նոր նախագահը ամերիկյան ժողովրդի համար որևէ բան անելու փոխարեն կարծես փորձում է պառակտել ժողովուրդները, գժտություն ու թշնամանք սերմանել աշխարհի ժողովուրդների միջև»,- ամփոփել է նա։

Ավելի վաղ ԱՄՆ‐ում անհայտ ժամանակով կասեցվեցին իրանական Իսլամական հեղափոխության պաշտպանների կորպուսին ﴾ԻՀՊԿ﴿ ահաբեկչական կազմակերպությունների շարքին դասելու վերաբերյալ քննարկումները եւ նոր պատժամիջոցներ սահմանելու հեռանկարը:

ԱՄՆ նախագահ Դոնալդ Թրամփը քննադատել էր «Հետաքննությունների դաշնային բյուրոյին», որ նա չի կարողանում գտնել նրանց, ովքեր տեղեկությունները հաղորդում են մամուլին։

Գործակալությունում նշում են, որ Սպիտակ տունը կարող է որոշում կայացնել, որով պետդեպին կառաջարկվի քննարկել ԻՀՊԿ‐ին ահաբեկչական կազմակերպությունների շարքին դասելու հնարավորությունը։ Ըստ աղբյուրների, այս ծրագիրը հետաձգվել է Իրանի պատասխան գործողությունների վերաբերյալ հատուկ ծառայությունների և զինվորականների զգուշացումներից հետո:

Տպել

Թեմայի այլ նորություններ
Загрузка...