Հայաստանը կմասնակցի Վրաստանում անցկացվելիք Agile Spirit 2017 զորավարժություններին: Agile Spirit 2017 բազմազգ զորավարժությունները, որոնց կմասնակցեն ՆԱՏՕ-ի և գործընկեր պետությունների զինծառայողները, տեղի կունենան սեպտեմբերի 3-11-ը Վրաստանում: Ինտերֆաքսի հաղորդմամբ, վարժանքների նպատակն է ՆԱՏՕ-ի արձագանքման ուժերի կազմում համատեղ գործողություններին նախապատրաստումը, ԱՄՆ և գործընկեր երկրների փոխգործակցության կատարելագործումը: Զորավարժություններին կմասնակցեն Հայաստանի, Վրաստանի, ԱՄՆ, Բուլղարիայի, Լատվիայի, Ուկրաինայի և Ռումինիայի զինծառայողները:
