Ադրբեջանի ՊԱԾ-ն ադրբեջանա–վրացական սահմանին գործողություն է իրականացրել

Ադրբեջանի Պետական անվտանգության ծառայությունն ադրբեջանա–վրացական սահմանին իրականացրած գործողության ժամանակ առգրավել է մաքսանենգ ճանապարհով ներմուծված 619 500 միավոր կեղծ ակցիզային դրոշմանիշ՝ նախատեսված կեղծ օղու արտադրության համար։

Vesti.Az–ը, վկայակոչելով Պետական անվտանգության ծառայությանը, հայտնում է, որ հետաքննության ընթացքում հայտնաբերվել է, որ ապօրինի գործող վայրերում, ուր մատակարարվում էին կեղծ ակցիզային դրոշմանիշները, արտադրվել է կեղծ օղի՝ վտանգավոր առողջության համար։ Այն զանգվածային վաճառքի էր հանվել։

Քրեական գործով հետաքննությունը շարունակվում է։