29.03.2024
Կառավարությունը փորձում է իր բոլոր թիմակիցներին ապահովել պաշտոններով. Աննա Մկրտչյան
prev Նախորդ նորություն

Նորություններ գործընկերներից

Հայաստանն ակնկալում է ԵԽ աջակցությունը տեղահանվածների իրավունքների պաշտպանության հարցում

ՀՀ Տարածքային կառավարման և ենթակառուցվածքների նախարար Գնել Սանոսյանն ընդունել է Եվրոպայի խորհրդի պատվիրակությանը՝ Եվրոպայի խորհրդի երևանյան գրասենյակի ղեկավար Մարտինա Շմիդտի և ԵԽ Համագործակցության ծրագրերի բաժնի ղեկավար Լիլյա Գրետարսդոտտիրի գլխավորությամբ։


Ինչպես հայտնում են ՏԿԵ նախարարության մամուլի ծառայությունից, նախարարը բարձր է գնահատել Եվրոպայի խորհրդի հետ բազմաշերտ համագործակցությունը։


ԵԽ երևանյան գրասենյակի ղեկավար Մարտինա Շմիդտը շնորհավորել է նախարարին Հայաստանում անցկացված ընտրությունների կապակցությամբ և ընդգծել է, որ դրանց որակը ևս մեկ անգամ փաստում է, որ ժողովրդավարությունն իրապես արդեն իրողություն է Հայաստանում։


Նախարարն իր հերթին շնորհակալություն է հայտնել Եվրոպայի խորհրդին Հայաստանում ընտրությունները դիտարկելու և տրված գնահատականի համար։


Հանդիպման ժամանակ, ի թիվս այլ հարցերի, քննարկվել է նաև 2020 թ․ Ադրբեջանի կողմից սանձազերծված 44-օրյա պատերազմի հետևանքով տեղահանված անձանց խնդիրները։


ԵԽ Համագործակցության ծրագրերի բաժնի ղեկավար Լիլյա Գրետարսդոտտիրին ընդգծել է, որ ԵԽ-ն պատրաստ է քննարկել երկարաժամկետ և հեռանկարային նոր ծրագիր, որի շրջանակներում հնարավոր կլինի օժանդակություն տրամադրել՝ ուղղված տեղահանության խնդիրների երկարաժամկետ լուծմանը։


ՀՀ Միգրացիոն ծառայության պետ Արմեն Ղազարյանը ԵԽ պատվիրակությանը ներկայացրել է անհրաժեշտ տեղեկատվությունը, առկա պատկերը և պայմանավորվածություն է ձեռք բերվել աշխատանքային կարգով քննարկել ծրագրի մանրամասները։


Նախարարն իր հերթին ընդգծել է, որ Հայաստանն ակնկալում է նաև ԵԽ աջակցությունը տեղահանված անձանց իրավունքների պաշտպանության հարցում։


 

Կառավարությունն ընդունել է, որ դուրս է եկել իր լիազորությունների շրջանակներից. պատգամավոր
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար