2.10.2022
Կառավարությունը 400 միլիոն դրամ է հատկացրել Սյունիքի ենթակառուցվածքների զարգցաման համար
prev Նախորդ նորություն

Նորություններ գործընկերներից

Հայաստանում կորոնավիրուսից մահվան դեպքերը 700-ով ավել են պաշտոնական վիճակագրությունից

Համաձայն վիճակագրական կոմիտեի հրապարակման՝ Հայաստանում կորոնավիրուսից մահվան դեպքերը 700-ով ավել են պաշտոնական վիճակագրությունից: Խնդիրն անհանգստացրել է վարչապետ Նիկոլ Փաշինյանին և նա անդրադարձավ դրան կառավարության նոյեմբերի 25-ի նիստի ժամանակ:


Տեղեկացնելով, որ Վիճակագրական կոմիտեի հրապարակած թվերի ու Առողջապահության նախարարության տվյալների մեջ արձանագրվել է շեղում՝ Փաշինյանը նշեց, որ նշանակված է քննություն, որպեսզի «պարզենք, թե ինչն է մահերի վիճակագրությունների տարբերությունը»։


«Պետք է հասկանանք, վերստուգենք, թե այդ մահերից որքանն է իրոք եղել Covid-ի հետևանքով, որքանը՝ այլ պատճառով, պարզապես նախկինում կորոնավիրուսով վարակված քաղաքացիների շրջանում։ Ըստ էության, մոտ 700 դեպքի տարբերություն ունենք»,- ասաց Փաշինյանը՝ նշելով, որ այս իրավիճակն ամենայն լրջությամբ պետք է քննել:


«Կպարզենք՝ արդյոք որևէ չարամտություն եղել է որևէ մեկի կողմից՝ որևէ տվյալ թաքցնելու։ Եթե կպարզվի, որ չարամտություն կա, չարամտության հեղինակները պետք է պատասխանատվության ենթարկվեն։ Ի վերջո մահերի պատճառահետևանքային կապը պետք է արձանագրվի», - ասաց նա: