Երևանում տեղի ունեցող զարգացումները վնասում են ՀՀ-ի անվտանգությանը. Փորձագետներ

Երևանում մի խումբ զինված անձանց կողմից ոստիկանության շենքի գրավումն ու պատանդներ պահելը վնաս է հասցնում ՀՀ-ի անվտանգությանը: Նման կարծիք են հայտնել փորձագետները:

ՀՀ պաշտպանության նախկին նախարար Վաղարշակ Հարությունյանի կարծիքով զինված խմբավորման գործողությունները թուլացնում են պետության հիմքերը: Ըստ նրա, պատերազմի պայմաններում, երբ ընթանում են Ղարաբաղի շուրջ բանակցությունները նման քայլերը վնաս են բոլոր կողմերից: Հարությունյանը նշել է, որ այդ գործողությունները խրախուսում են Ադրբեջանին սանձազերծել պատերազմ, փոխանցում է РИА Новости-ն:

Նա հավելել է, որ հայ հասարակությունը պետք է ճիշտ գնահատի իրավիճակն ու չգնա այնպիսի քայլերի, որոնք կարող են վնաս հասցնել: Պետք է հասկանալ, թե ինչ է կանգնած դրա հետևում: Դա առաջին հերթին ուղղված է հասարակության ու ժողովրդի դեմ:

Փորձագետ Իգոր Կորոտչենկոն Երևանում տեղի ունեցող զարգացումները գնահատում է որպես ահաբեկչություն: Նա նշել է, որ հենց այդպես պետք է վերաբերվել մարդկանց, ովքեր զինված են և բռնություն են գործադրում, փոխանցում է РЕН ТВ-ը:

Կորոտչենկոն նշել է, որ ոստիկանատունը գրաված անձինք շեշտը դրել էին այն հանգամանքի վրա, որ սկսվելու է գրոհը, երկու կողմերը մեծ զոհեր կրեն, դա կծայրահեղականացնի հասարակական-քաղաքական տրամադրությունները ՀՀ-ում, Երևանում և մարդիկ դուրս կգան փողոց՝կիևյան մայդանի օրինակով: Իրավիճակը մտահոգիչ է՝ այդ մարդիկ ցանկանում են պատմության աղբանոցը նետել գործող իշխանություններին:

Հյուսիսային և Արևելյան Եվրոպայի երկրների քաղաքական հետազոտությունների կենտրոնի ղեկավար Ալեքսանդր Սիտինը Sobesednik.ru-ի հետ զրույցում նշել է, որ Երևանում տեղի ունեցող իրադարձությունները սպոնտան են, այլ ոչ թե կազմակերպված ակցիա:

Ըստ նրա, նմանատիպ ակցիաները տեղի են ունենում սպոնտան, եթե ռազմական ղեկավարությունը կանգնած չէ դրա վերևում: Սակայն ինչպես հայտնի է, որ գրոհողներ պահանջը ընդդիմադիր գործչի ազատ արձակումն է: Նրա խոսքով, ՀՀ-ում այդ գործողությունները՝ներքին դժգոհության արդյունք են, որոնք առկա են բնակչության շրջանում, որոնք շատ աղքատ են ապրում: Սիտինը նշել է, որ Երևանում տեղի ունեցող իրադարձությունները շարունակությունն են այն ակցիաների, որոնք տեղի են ունենում հետխոհրդային երկրներում: Նա նշել է, որ ակնհայտ է՝ ՀՀ կառավարությունը չի կարողանում ապահովել բնակչության բարեկեցությունը՝այդ հարցը փոխակերպվում է գաղափարական և անվտանգային հարցերով:

Հիշեցնենք, Ժիրայր Սեֆիլյանի մոտ 3 տասնյակ կողմնակիցներ, հուլիսի 17-ի լուսադեմին «Կռազ» մակնիշի մեքենայով կոտրել են ոստիկանության ՊՊԾ գնդի դարպասները, ներխուժել, կրակոցներ արձակել և պատանդ են պահում այնտեղ եղած ոստիկաններին: Փոխհրաձգության ժամանակ զոհվել է մեկ ոստիկան, երկուսը՝ վիրավորվել:

Սեֆիլյանի կողմանկիցները պահանջում են ազատ արձակել արմատական ընդդիմադիր քաղաքական գործիչներ Ժիրայր Սեֆիլյանին, Շանթ Հարությունյանին ու Վոլոդյա Ավետիսյանին: Բացի այդ, նրանք պահանջում են նախագահ Սերժ Սարգսյանի հրաժարականը:

• անվտանգություն ,
• Հարձակում