ԱԺ-ում փակ ռեժիմով կանցկացվեն ռազմագերիների հարցով հրատապ քննարկումներ

Հայաստանի խորհրդարանը ընդդիմության բոյկոտի պայմաններում հաստատել է Ազգային ժողովի հերթական նիստի օրակարգը։ Կողմ է քվեարկել 58 պատգամավոր, դեմ՝ 0, ձեռնպահ՝ 0:

Առաջին բաժնում, որտեղ տեղադրվում են պարտադիր քննարկման ենթակա հարցերը, ներառված է 12 հարց: Այս բաժնի օրինագծերը քննարկվում են առանց խորհրդարանի անդամների հաստատման։ Ինչպես հայտնել է խորհրդարանի խոսնակ Ալեն Սիմոնյանը, "Անհետ կորածների, ռազմագերիների, պատանդների եւ այլ պահված անձանց ճակատագրի պարզաբանումը եւ նրանց հայրենիք վերադարձի ապահովումը" թեմայով հրատապ քննարկումները տեղի կունենան այսօր՝ նոյեմբերի 16-ին, նիստի երկրորդ մասում: Քննարկումները խորհրդարանական մեծամասնության առաջարկով կընթանան փակ ռեժիմով։

Միեւնույն ժամանակ, ավելի վաղ Սիմոնյանը հայտարարել էր, որ այսօր՝ նոյեմբերի 16-ին, նիստի երկրորդ մասում կքննարկվի "Հայաստան" դաշինքի օրենսդրական նախաձեռնությունը: «Մեկ հարց՝ «Հայաստան» ընդդիմադիր խմբակցության անդամ Արամ Վարդևանյանի մշակած վարչական դատավարության օրենսգրքի փոփոխությունները։ Սակայն «Հայաստան» խմբակցությունը հարցը համարեց արտահերթ, ուստի «Ազգային ժողովի կանոնակարգ» ՀՀ օրենքի 96-րդ հոդվածի համաձայն՝ հարցը կընդգրկվի օրակարգում և կքննարկվի այսօր՝ նոյեմբերի 16-ին, նիստի երկրորդ մասում»:

Նոյեմբերի 17-ին խորհրդարանում մեկնարկում են բյուջետային լսումները։ Սիմոնյանի խոսքով՝ 2021 թվականի պետական բյուջեի նախագիծը կքննարկվի վաղը առավոտից: Իսկ վաղը երրորդ նիստի ընթացքում կքննարկվի «Հայաստան» ընդդիմադիր դաշինքի ինտերպելյացիան։

Օրակարգի նախագծի երկրորդ բաժնում ընդգրկված է 21 հարց: Պրոֆիլային հանձնաժողովների առաջարկով 3 օրինագծեր կքննարկվեն արագացված 24-ժամյա ռեժիմով: Խոսքը «Դատական ակտերի հարկադիր կատարման մասին», «Հանրային ծառայության մասին», ինչպես նաեւ "ՀԾԿՀ-ի մասին" օրենքներում կատարված փոփոխությունների մասին է: