29.03.2024
Պետք է կենտրոնանալ պետության զարգացման համար լոկոմոտիվ հանդիսացող ոլորտների վրա. նախագահ
prev Նախորդ նորություն

Նորություններ գործընկերներից

ՀՀ ԱԳՆ և Սևծովյան ուսումնասիրությունների կենտրոնը քննարկել են COVID-19 համավարակը

Նոյեմբերի 10-ին ՀՀ արտաքին գործերի նախարարությունը (ԱԳՆ) և Սևծովյան ուսումնասիրությունների կենտրոնը (ՍՈւՄԿ) համատեղ կազմակերպեցին «Մշակութային տուրիզմ և թվային փոխակերպում ՍԾՏՀ տարածաշրջանում և դրանից դուրս. COVID-19 համավարակի համատեքստում քաղված դասեր» խորագրով վեբինար։

Առցանց միջոցառմանը մասնակցեցին ՍԾՏՀ անդամ պետությունների բարձրաստիճան ներկայացուցիչներ, ՍԾՏՀ մշտական միջազգային քարտուղարության (ՄՄՔ) գլխավոր քարտուղարը, ՍՈւՄԿ գլխավոր տնօրենը, ՄՄՔ, ՍՈւՄԿ, միջազգային այլ կառույցների (ՅՈւՆԵՍԿՕ, ՀԶԿ, ԵՄ, ԵԽ, ԻԿՕՄՕՍ, ՄԱԶԳ) աշխատակիցներ, զբոսաշրջության գործակալությունների, գործարար շրջանակների, գիտակրթական և մշակութային հաստատությունների ու քաղհասարակության ներկայացուցիչներ։

Քննարկման առանցքում էին մշակույթի և զբոսաշրջության բնագավառներում թվայնացման նշանակությունը, COVID-19 համավարակի պայմաններում մշակութային տուրիզմի մարտահրավերները ու թվային տեխնոլոգիաների կիրառմամբ դրանց հաղթահարման ազգային, տարածաշրջանային և միջազգային փորձը, ինչպես նաև հետհամավարակային շրջանում ոլորտի զարգացման հեռանկարները։

Ողջունելով մասնակիցներին՝ ՀՀ ԱԳՆ բազմակողմ քաղաքականության և զարգացման համագործակցության վարչության պետ, ՅՈւՆԵՍԿՕ-ի Հայաստանի ազգային հանձնաժողովի գլխավոր քարտուղար Արման Խաչատրյանը մասնավորապես ընդգծեց, որ Հայաստանը սատարում է համավարակի առաջացրած ճգնաժամի հետևանքով մշակութային զբոսաշրջության ոլորտի դժվարությունները հաղթահարելուն ուղղված ՍԾՏՀ-ի ջանքերին ու նախաձեռնություններին: Նա հավելեց, որ հաշվի առնելով զբոսաշրջության և մշակութային ոլորտների համար թվային տեխնոլոգիաների ներկայացրած ներուժը և դրանց ընձեռած հնարավորությունները տնտեսության համար, անհրաժեշտ է համակարգված և միասնական մոտեցում՝ բացահայտելու խոչընդոտները և մշակելու արդյունավետ ու նպատակաուղղված միջոցներ՝ առցանց մշակութային զբոսաշրջությունը և ընդհանրապես մշակույթի և զբոսաշրջության ոլորտները զարգացնելու համար:

Բանախոսները ներկայացրին իրենց փորձը և հաջողված օրինակներն այդ բնագավառում և քննարկեցին թվայնացման ու նորարարական գործիքների արդյունավետ կիրառման և հասարակության վրա նորարարարության ազդեցությունն առավել արդյունավետ ու ներառական դարձնելու տեսանկյունից ազգային ու միջազգային միտումները՝ մեղմելու համավարակի բացասական ազդեցությունը և ամրապնդելու երկրների տոկունությունը ետհամավարակային շրջանում։

Ամփոփելով միջոցառումը՝ ՍԾՏՀ-ում ՀՀ մշտական ներկայացուցիչ Սահակ Սարգսյանը նշեց, որ 2019թ. նոյեմբերին Աթենքում Արևելյան հարևանության գործիքի շրջանակներում ՍՈւՄԿ-ի կազմակերպած «Սևծովյան սիներգիա. առաջընթացի ուղին» համաժողովը և սույն վեբինարը լավ հիմք են հանդիսանում հաջորդող նման միջոցառումների համար և տեղեկացրեց, որ 2022թ. Երևանում ՍՈւՄԿ-ի հետ միասին տարածաշրջանային թեմատիկ աշխատաժողով կազմակերպելու մտադրության մասին։

Արշակ Կարապետյանը մասնակցել է ԱՊՀ պաշտպանության նախարարների խորհրդի հերթական նիստին
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար