Երևանն ու Բաքուն դեմ չեն. ՄԽ համանախագահները կվերսկսեն տարածաշրջան այցերը

Եռակողմ համաձայնագրի հիմնական արդյունքը կայունությունն է: ՏԱՍՍփոխանցմամբ՝ այս մասին հայտարարել է Ռուսաստանի արտգործնախարար Սերգեյ Լավրովը:

«ԵԱՀԿ Մինսկի խմբի համանախագահները Նյու Յորքում պայմանավորվել են Բաքվի և Երևանի հետ վերսկսել աշխատանքային այցերը Լեռնային Ղարաբաղի տարածաշրջան»,-ասել է ՌԴ ԱԳՆ ղեկավարը:

VERELQ-ը հիշեցնում է, որ սեպտեմբերի 23-ին Նյու Յորքում ՄԱԿ-ի Գլխավոր ասամբլեայի 76-րդ նստաշրջանի աշխատանքներին մասնակցող ԱԳ նախարար Արարատ Միրզոյանը հանդիպում է ունեցել ԵԱՀԿ Մինսկի խմբի համանախագահների հետ: Իսկ սեպտեմբերի 24-ին ԵԱՀԿ Մինսկի խմբի համանախագահների միջնորդությամբ և մասնակցությամբ տեղի է ունեցել Հայաստանի և Ադրբեջանի ԱԳ նախարարների հանդիպումը։