28.03.2024
Որոնումներն այսօր արդյունք չեն տվել. մինչ օրս հայտնաբերվել է 1604 աճյուն
prev Նախորդ նորություն

Նորություններ գործընկերներից

Էռնեկյանը վստահեցրել է՝ հակված են կատարել մեծ, լայնածավալ ներդրումներ Հայաստանում

Վարչապետ Նիկոլ Փաշինյանը հյուրընկալել է Հայաստանի ազգային հերոս, արգենտինահայ գործարար, բարերար Էդուարդո Էռնեկյանին, որը հավաստիացրել է՝ հակված են կատարել մեծ, լայնածավալ ներդրումներ Հայաստանում: Այդ մասին հայտնում են կառավարության մամուլի ծառայությունից:


Գործարարի հետ հանդիպանը, Նիկոլ Փաշինյանը, նշելով Էռնեկյանի խոշոր ներդրող լինելու հանգամանքը, ընդգծել է, որ նրա ներդրումային տրամադրությունները կանխորոշում են նաև ընդհանուր ներդրումային տրամադրությունը Հայաստանում:


«Մեր երկիրը շատ դժվար փորձությունների միջով է անցել: Ընդամենը օրեր առաջ՝ հունիսի 20-ին տեղի ունեցած ընտրություններում, մեր կառավարությունը վերահաստատել է իր ունեցած մանդատը «Ապագա կա» կարգախոսի ներքո: Եվ հույս ունեմ, որ Ձեր աշխատանքային օրակարգն ու տրամադրությունը ևս ուղղված է հենց մեր երկրի տնտեսական լավատեսությունը և ապագայի նկատմամբ հավատը վերականգնելուն: Այստեղ Ձեր անձնական դերակատարումը շատ կարևորում ենք», - ասել է Փաշինյանը:


Իր հերթին, Էդուարդո Էռնեկյանը շնորհավորել է Նիկոլ Փաշինյանին ընտրություններում «Քաղաքացիական պայմանագիր» կուսակցության հաղթանակի կապակցությամբ և հավելել, որ պանդեմիան փոփոխություններ մտցրեց բոլորի օրակարգում՝ թե՛ ժամանակի, թե՛ տարածության, թե՛ չվերթների առումով, բայց, կարծես թե, դա արդեն հաղթահարում ենք, և ես այստեղ եմ:


Նակատելով, որ իր ընկերությունները Հայաստանում տարբեր ոլորտներում են ներդրումներ իրականացնում, Էռնեկյանը նշել է, որ հակված են շարունակել, կատարել մեծ, լայնածավալ ներդրումներ Հայաստանում: «Հիմա բանակցություններ ենք վարում մի բանկի հետ: Տեսնում ենք Հայաստանում տուրիզմի բնագավառի լավ աճ, և բարեբախտաբար, շուտով նոր ներդրում կառաջարկենք օդանավակայանաշինության բնագավառում: Իմ զարմիկ Մարտինը, ով ներկայումս ղեկավարում է այդ ամենը, շատ շուտով կժամանի Հայաստան, որպեսզի կապ հաստատի այն անձի հետ, ում Դուք կնշեք, բնականաբար, քննարկելու ներդրումային ծրագիրը», - ասել է նա:


Գործարարը գոհ է Հայաստանում գինու և խաղողագործության բնագավառի զարգացումների կապակցությամբ, որ «կարողացել ենք կանխատեսել, ներդնել և բարեփոխել այն»: «Բարեբախտաբար, այսօր այդ գինիները տարածված են ամբողջ Եվրոպայում», - ասել է նա:


Նիկոլ Փաշինյանը և Էդուարդո էռնեկյանը քննարկել են Հայաստանում «Արմենիա» միջազգային օդանավակայաններ» ՓԲԸ կողմից իրականացվող ծրագրերը։ Մասնավորապես, անդրադարձ է եղել ընկերությանը կոնցեսիոն կառավարման տրված Երևանի «Զվարթնոց», Գյումրիի «Շիրակ» օդանավակայանների զարգացմանը, ենթակառուցվածքների բարելավմանը, վերանորոգմանը և հետագա շահագործմանը վերաբերող հարցերի։ Զրուցակիցները մտքեր են փոխանակել նաև Էդուարդո Էռնեկյանին պատկանող ընկերությունների կողմից Հայաստանում իրականացվող և առաջիկայում նախատեսվող այլ բիզնես ծրագրերի շուրջ։


 

Անմահացավ վիրավոր զինակցի կյանքը փրկելու իր անհաշվելի սխրանքներից վերջինը չհասցնելով
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար