"Բացառում եմ". Ծառուկյանը քվեարկեց ու կրկնեց՝ Փաշինյանի հետ կոալիցիա չի կազմի

"Բարգավաճ Հայաստան" կուսակցության նախագահ Գագիկ Ծառուկյանը քվեարկել է անվտանգ հայրենիքի, զարգացող տնտեսության, բարգավաճ Հայաստանի համար: Այս մասին ընտրատեղամասում քվեարկելուց հետո լրագրողներին ասաց ԲՀԿ առանջորդը:

Հարցին՝ իր վրա ճնշում եղել է, օրինակ, Նիկոլ Փաշինյանի հետ կոալիցիա կազմելու առումով, Ծառուկյանն արձագանքեց՝ ինձ "տարան, ձերբակալեցին, չկարողացան ազդել, հիմա ո՞վ կարող է ազդել":

Թե ինչպիսի Հայաստանում վաղը կարթնանանք հարցին Ծառուկյանը նշեց, որ որոշողը ժողովուրդն է: Ինչպես գտնում է նպատակահարմար, նրան էլ ձայնը տալու է:

Ինչ վերաբերում է հարցին, թե բացառում է Նիկոլ Փաշինյանի հետ կոալիցիան, Ծառուկյանը նախ ասաց, որ այդ հարցին պատասխանել է բազմիցս և չի ցանկանում մի քանի անգամ կրկնել: Բայց այդուհանդերձ կրկնեց: "Բացառում եմ, ու մի քանի անգամ ես դա կրկնել եմ":

Այն հարցին, թե արդյոք կանխատեսում է բախումներ հետընտրական շրջանում, Գագիկ Ծառուկյանը զարմացավ՝ եթե ամեն ինչ կարգ ու կանոնով գնա, ի՞նչ աղմուկի մասին է խոսքը.

"Եթե ժողովուրդը չի ցանկացել, ձայն չի տվել՝ ի՞նչ պետք է անեն.,- հավելեց նա: