ՀԲԸՄ-ն կազմակերպում է ամառային ճամբար վերջին պատերազմի հերոսների զավակների համար

Հայկական բարեգործական ընդհանուր միությունը կազմակերպում է ամառային ճամբար Արցախյան երկրորդ պատերազմում նահատակված, գերի ընկած, անհետ կորած և վիրավորված մեր հերոսների զավակների համար: Ճամբարի նպատակն է երեխաներին պարգևել անմոռանալի և զվարճանքներով լի ամառ:

Ծրագրի շրջանակներում փոքրիկները կանցկացնեն ուրախ և ակտիվ ժամանց, բնության գրկում կվայելեն ամառային արձակուրդները, ձեռք կբերեն նոր ընկերներ, ինչպես նաև կծանոթանան հայ ազգային պարերին, կզարգացնեն ստեղծագործելու, մտածելու և նորը ստեղծելու ունակությունները:
Ծրագիրը ներառում է.  

էքսկուրսիաներ և արշավներ դեպի հետաքրքիր և տեսարժան վայրեր
ձեռքի աշխատանք
սպորտային խաղեր (ֆուտբոլ, բասկետբոլ, վոլեյբոլ, թենիս)
լող
ինտելեկտուալ և ուսուցողական խաղեր
հայ ազգային երգ ու պար
մուլտֆիլմերի, ֆիլմերի դիտումներ և քննարկումներ
երեկոյան ուրախ և ակտիվ ժամանցային ծրագիր:

Երեխաները կստանան երեքանգամյա սնունդ, որը պատրաստվում է տեղում հմուտ խոհարարների կողմից:
ՀԲԸՄ «Նաիրի» ճամբարը գտնվում է գեղատեսիլ Հանքավանոմ և պատրաստ է անվճար հյուրընկալել 7-13տ. մեր հերոսների երեխաներին՝ ծնված 2008-2014 թթ.:

Հետաքրքրված անձանց երեխաների հետ միասին խնդրում ենք մոտենալ ՀԲԸՄ Հայաստանի գրասենյակ (Մելիք-Ադամյան 2/2) չորեքշաբթի՝ հունիսի 2-ին՝ 14:00-17:00-ն կամ զանգահարել 060 72 22 22 հեռախոսահամարով:
Չմոռանաք ձեզ հետ բերել երեխաների անձնագրերի կամ ծննդյան վկայականների պատճենները և երկուական անձնագրի լուսանկար (35 x 45 մմ):

Յուրաքանչյուր երեխա կարող է մասնակցել առաջարկվող փուլերից միայն մեկին: Տեղերը սահմանափակ են: Ազատ տեղերը լրանալուն պես դիմումների ընդունումը կդադարեցվի:

Հ.Գ. Տվյալների իսկությունը ճշտվելու է ՀՀ Պաշտպանության նախարարության հետ