Ղրիմը Հայաստանից չվերթներ սկսելու որոշում է ակնկալում

Ղրիմի բնակիչները միայն ուրախ կլինեն, եթե Բելառուսի, ինչպես նաեւ Հայաստանի եւ թերակղզու միջեւ ուղիղ ավիաչվերթները նորից գործարկվեն:

Այս մասին ՏԱՍՍ-ին հայտնել է Ղրիմի ղեկավար Սերգեյ Ակսյոնովը Պետերբուրգի միջազգային տնտեսական համաժողովի հարթակում։

«Եթե Ալեքսանդր Գրիգորեւիչը (Լուկաշենկոն) նման որոշում կայացնի, մենք միայն ուրախ կլինենք։ Եվ վստահ եմ, որ Բելառուսի բնակիչները ուրախ կլինեն այցելել ռուսական Ղրիմ», - ասել է Ակսյոնովը։

Նրա խոսքով՝ սա միակ միջազգային ուղղությունը չէ, որն այժմ քննարկվում է։ Բացի այդ, Ղրիմը Հայաստանից չվերթներ սկսելու որոշում է ակնկալում։