Արտակ Բեգլարյանը նշանակվեց Արցախի պետական նախարար

Արցախի նախագահ Արայիկ Հարությունյանի հրամանագրով հանրապետության պետական նախարար է նշանակվել Արտակ Բեգլարյանը՝ ազատվելով նախագահի աշխատակազմի ղեկավարի պաշտոնից:

Արցախի նախագահի մեկ այլ հրամանագրով` փոփոխություն է կատարվել ԱՀ կառավարության կառուցվածքում, համաձայն որի՝ ֆինանսների նախարարն այսուհետ չի իրականացնելու պետական նախարարի լիազորությունները։

VERELQ-ը հիշեցնում է, որ ավելի վաղ Գրիգորի Մարտիրոսյանը հայտնել էր, որ հունիսի 1-ից վայր է դնում պետնախարարի լիազորությունները։  

Հիշեցնենք նաև, որ նախքան 2020 թվականի դեկտեմբերին ԱՀ նախագահի աշխատակազմի ղեկավարի պաշտոնը զբաղեցնելը Արտակ Բեգլարյանը 2018 թվականի հոկտեմբերից զբաղեցրել է Արցախի ՄԻՊ պաշտոնը: