Քաղաքացիական նախաձեռնությունից մինչև կուսակցություն. «Երրորդ ուժը» կգնա ընտրությունների

Մարտի 11-ին «Դվին» հյուրանոցի մեծ դահլիճում տեղի է ունեցել «երրորդ ուժ» քաղաքացիական նախաձեռնության բաց ժողովը:

Նախաձեռնության անդամ, «Թովմասյան» հիմնադրամի ղեկավար Արտակ Թովմասյանի խոսքով՝ երկրում տիրող իրավիճակը պարտավորեցնում է ստեղծել նոր քաղաքական ուժ և գնալ ընտրությունների: Նախաձեռնությունը բաց է համագործակցության համար։

«Ընդդիմության և իշխանության դիմակայությունը գնալով ավելի է սրվում։ Հայաստանը կանգնած է քաղաքացիական պատերազմի շեմին», - ասել է նա։

Ընդ որում, նա ընդգծել է, որ իրենց նպատակը գործող կառավարության հրաժարականն է։