Դրախտ է շպիոնների կյանքը նիկոլական ՀՀ-ում՝ կա՛մ գնում են, կա՛մ պաշտոն ստանում. Մկրտչյան

Դրախտ է շպիոնների կյանքը նիկոլական Հայաստանում... Վատագույն դեպքում գնում են երկրից, լավագույն` մեծ պաշտոն ունենում: Ու մենք բոլորս հանդիսատես ենք: Այս մասին Facebook-ի իր էջում գրել է ռեժիսոր Մհեր Մկրտչյանը՝ նշելով, որ յուրաքանչյուր պատմության դասագիրք կհուշի մեզ մի պարզ ճշմարտություն՝ երբեք ազգը ոչինչ չի որոշում, ազգը գնում է հերոսի հետևից:

"Տավուշ, Սյունիք... Արցախը` անցած լինի... Կուտենք, կմարսենք, կհարմարվենք:

7000 զոհ՝ դե պատահեց...

Ոմանք կմեղադրեն, որ ազգը չունի արժանապատվություն:

Ոմանք կասեն, որ ազգը նիկոլն ա, դերասան Հովոն ու օլիգարխի թուրքամետ սպասուհին:

Բոլորս էլ հայ ենք, ուզենք թե չուզենք:

Գործակալներ, դավաճաններ, հայրենասերներ ու քննադատողներ` մեկն ուզում է կործանել երկիրը, մյուսը ուզում է փրկել:

Ուզում է:

Յուրաքանչյուր պատմության դասագիրք կհուշի մեզ մի պարզ ճշմարտություն` երբեք ազգը ոչինչ չի որոշում, ազգը գնում է հերոսի հետևից: Նույնիսկ ֆեյք հերոսի, ինչպես 2018-ին:

Ես կուզեի, որ հերոսը լիներ զինվորական:

Ես կուզեի, որ այս փրկության խորհրդանիշը լիներ հայ զինվորը:

Ու հիմա մանկական պարզությամբ ուզում եմ հավատալ Օնիկին, ինչպես երեխեքս Ձմեռ Պապիկին...»,- գրել է նա։

VERELQ-ը հիշեցնում է, որ նախօրեին Mediaport տելեգրամյան ալիքը գրել էր, որ ՅՈՒՆԻՍԵՖ-ի հայաստանյան գրասենյակի ղեկավար Մարիան Քլարք-Հաթինգին ՀՀ իշխանությունները հայտարարել են պերսոնա նոն գրատա՝ հօգուտ Ադրբեջանի եւ Մեծ Բրիտանիայի լրտեսություն կատարելու համար։ Եվ որ նա հեռացել է Հայաստանից:

Այսօր հարցի առնչությամբ պարզաբանմամբ հանդես եկավ ԱԳՆ-ն. «Հայկական կողմի համար խնդրահարույց է եղել ՀՀ-ում UNICEF ներկայացուցիչ Մարին Քլարկ-Հաթթինգի իր մանդատի իրականացման գործում թերացումները և ոչ համագործակցային աշխատելաոճը, ուստի ՀՀ կառավարության կողմից որոշում է կայացվել դադարեցնել Քլարկ-Հաթթինգի պաշտոնավարումը որպես Հայաստանի Հանրապետությունում UNICEF ներկայացուցիչ: Որոշման մասին ՄԱԿ֊ի Մշտական Համակարգողը ու UNICEF-ի ներկայացուցիչները տեղեկացվել են»: