Հայաստանը շուտով կունենա ռուսական «Sputnik V» պատվաստանյութ. նախարար

Առողջապահության նախարար Անահիտ Ավանեսյանը հայտարարել է, որ մարտ ամսից Հայաստանում արդեն կլինի կորոնավիրուսի դեմ պատվաստանյութի որոշակի խմբաքանակ: Նա այս համատեսքտում նշել է, որ Ռուսաստանի Դաշնության հետ վերջնականացվում է պայմանագրի կնքումը, եւ շուտով արդեն Հայաստանը կունենա նաև ռուսական «Sputnik V» պատվաստանյութը:

Նրա խոսքով, պատվաստման գործընթացը էտապներ է լինելու: «Այս պահին պատվաստանյութեր արտադրողների հետ կնքված պայմանագրեր դեռ չկան, եւ հայտնի չէ, թե որքան կարժենան պատվաստանյութերը Հայաստանի համար», - ասել է նա:

Հայաստանն այս պահի դրությամբ, նշել է նա, երկու հարթակում է աշխատանանքներ իրականացնում՝ կորոնավիրուսի դեմ պատվաստանյութ ձեռք բերելու համար: "Առաջինը միջազգային COVAX հարթակն է, որի նպատակն է մասնակից-երկրներին հասանելի պատվաստանյութով ապահովել: Բացի այդ, երկկողմանի բանակցություններ են վարվում նաեւ պատվաստանյութեր արտադրողների հետ", - ասել է նա:

Նրա խոսքով, աժմ գնահատվում են բոլոր առաջարկվող պատվաստանյութերը, իսկ առաջիկայում հայտնի կլինեն ներմուծման ժամկետները: «Ակնկալում ենք մարտից արդեն ունենալ որոշակի խմբաքանակ՝ էտապներով գործընթացը սկսելու համար», - ասաց նախարարը:

Ավանեսյանի խոսքով՝ ռիսկի խմբերը որոշվել են, եւ առաջինը հենց այդ խմբերի ներկայացուցիչներն են պատվաստվելու հնարավությունը ստանալու: Նախարարը նաեւ հավելեց, որ Ռուսաստանի Դաշնությունից նվեր ստացված «Sputnik V» պատվաստանյութով Հայաստանում մոտ 15 հոգի է պատվաստվել:

Ավելի վաղ, ՀՀ ԱՆ ՀՎԿԱԿ տնօրենի տեղակալ Գայանե Սահակյանը հայտնել էր, որ Հայաստանը ձեռք կբերի բրիտանական «AstraZeneca» ընկերության պատվաստանյութը:

Նա նշել է, որ նախնական տվյալներով` արդեն փետրվարի կեսերին կամ մարտի սկզբին Հայաստանի բնակչության երեք տոկոսը կարող է պատվաստվել քովիդի դեմ: «Առաջին փուլով կպատվաստվեն տարեցների խնամքի կենտրոնների բնակիչներն ու աշխատակիցները, բուժաշխատողները, սոցիալական խնամքի կենտրոնների աշխատակիցները, 65 և բարձր տարիքի անձինք,16-ից 64 տարեկան քրոնիկ հիվանդները», - ասել էր նա։

Բրիտանական «AstraZeneca» ընկերության պատվաստանյութի ձեռք բերման մասն լուրը Հայաստանում միանշանակ չընկալվեց, քանի որ այդ դեղամիջոցի միջին արդյունավետությունը, ըստ ավտիրացի գիտնականների, կազմում է 70%: Իսկ օրինակ ռուսական «Sputnik V», ամեիկյան Pfizer и Moderna ընկերությունների պատվաստանյութերի արդյունավետությունը գնահատվում է ավելի բարձր՝ 90%: