Շուշին հայերի գերակշռությամբ քաղաք էր. փորձագետի պատասխանը Փաշինյանին

Նոյեմբերի 16-ին Նիկոլ Փաշինյանը Լեռնային Ղարաբաղի պատմական մայրաքաղաք Շուշին անվանեց «դժբախտ, դժգույն քաղաք» և հռետորական հարց ուղղեց: Իսկ 2021 թվականի հունվարի 20-ին նա հայտարարեց, որ «մինչև Շուշիի ազատագրումը բնակչության ավելի քան 90 տոկոսը ադրբեջանցիներ էին»։

Հենց այս հարցի վրա էլ կենտրոնացել է փորձագետ Հրանտ Միքայելյանը, քանի որ «նա միանգամայն իրական փաստացի պատասխան ունի»։

Իրականում, ըստ նրա, պատմականորեն Շուշին երկհամայնքային քաղաք էր՝ հայերի գերակշռությամբ. «Շուշի քաղաքում ադրբեջանական բնակչությունը կազմել է ավելի քան 90% երկու անգամ՝ երկու անգամն էլ հայկական ջարդերից հետո՝ 1920 և 1988 թվականներին։

«Ինչու է Փաշինյանը հղում անում հենց այս ժամանակահատվածին։ Եթե անգամ նայենք Խորհրդային ժամանակաշրջանը, երբ ժողովրդագրությունը մեծամասամբ ձևավորվում էր 1920 թվականի հայկական կոտորածների արդյունքում, ապա քաղաքում հայ բնակչությունը ներկա էր, թեև մշտապես կրճատվում էր։ Բայց նույնիսկ տեղի ադրբեջանական բնակչության վերադարձը սերունդներին՝ մոտ 10 հազար մարդու, չէր անի քաղաքը 90 տոկոսով ադրբեջանական, թեև ադրբեջանցիները դրա մեջ կգերիշխեին և կկազմեին 70.4 տոկոս։

Սակայն դա չէր կարող տեղի ունենալ միանգամից. փախստականների վերադարձի համար անհրաժեշտ է կառուցել նոր բնակարանային ֆոնդ: Եղածն այդքան բնակչություն չէր տեղավորի իր մեջ», - Facebook-ի իր էջում նշում է Միքայելյանը։

Այնուհետև նա ներկայացնում է «Շուշիի իրական պատմական ժողովրդագրությունը 200 տարվա ընթացքում՝ բոլոր մանրամասներով»։