Հադրութի, Սղնախի և Ջաբրայիլի ուղղություններից հայտնաբերվել է 10 զինծառայողի աճյուն

Հունվարի 11-ին Հադրութի, Սղնախի և Ջաբրայիլի ուղղություններից հայտնաբերվել է 10 զինծառայողի և 1 քաղաքացիական անձի մարմին։ Այս մասին հայտնել է Արցախի արտակարգ իրավիճակների պետական ծառայության տեղեկատվության և հասարակայնության հետ կապերի բաժնի պետ Հունան Թադևոսյանը։

Նրա խոսքով, քաղաքացիական անձի մարմինը հայտնաբերվել է Հադրութի շրջանի Վարդաշատ գյուղից, հարազատները ճանաչել են տղամարդուն:  

Ընդհանուր առմամբ որոնողական աշխատանքների արդյունքում մարտական գործողությունների վայրերից դուրս է բերվել 1222 զինծառայողի և քաղաքացիական անձանց աճյուն: