Նաիրա Զոհրաբյանն այլևս ԱԺ մարդու իրավունքների հանձնաժողովի նախագահ չէ

ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանի լիազորությունները որպես ԱԺ մարդու իրավունքների հանձնաժողովի նախագահ դադարեցվեցին։

ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի լիազորությունների դադարեցման նախագծի քվեարկությանը 132 պատգամավորից մասնակցել է 84 պատգամավոր, որոնցից 78-ը կողմ են քվեարկել, իսկ դեմ՝ 4 պատգամավոր։ Անվավեր է ճանաչվել 2 թվեաթերթիկ:

Նշենք, որ ԲՀԿ և ԼՀԿ խմբակցությունները չեն մասնակցել քվեարկությանը՝ նրանք բոյկոտել էին:

VERELQ-ը հիշեցնում է, որ նախօրեին Նաիրա Զոհրաբյանը հայտարարեց, որ դիմելու է Սահմանադրական դատարան՝ վիճարկելու ԱԺ որոշման նախագծի սահմանադրականության հարցը։ "Իմ քայլի" ներկայացրած այս նախագիծը Զոհրաբյանը որակել էր քաղաքական հաշվեհարդար իր և ԲՀԿ նկատմամբ։