«Պռոշյան կոնյակի գործարանում» հրդեհից տուժած 4 պացիենտի վիճակը ծայրահեղ ծանր է մնում. ԱՆ

«Պռոշյան կոնյակի գործարան» մասնաճյուղում տեղի ունեցած հրդեհի հետևանքով տուժած 4 պացիենտի վիճակը շարունակում է մնալ ծայրահեղ ծանր, դինամիկայում կայուն:

ՀՀ առողջապահության նախարարության խոսնակ Ալինա Նիկողոսյանը տեղեկացնում է, որ 32 և 46 տարեկան պացիենտները վիրահատվել են. վիրահատությունը հաջող է ընթացել: Բացի այրվածնքերից, վերջիններս ունեն նաև կոտրվածքներ` սրունք-թաթային հոդերի շրջանում:

Մյուս պացիենտների առողջական վիճակում փոփոխություն չկա:

VERELQ-ը հիշեցնում է, որ նախօրեին Արմավիր գյուղի «Պռոշյան կոնյակի գործարան»-ի մասնաճյուղում տեղի ունեցած հրդեհի հետևանքով զոհվել է 2 մարդ: Տարբեր աստիճանի այրվածքներով 4 քաղաքացի տեղափոխվել է բժշկական կենտրոններ: