Արսեն Թորոսյանը ԱԱԾ չի կանչվել

ՀՀ առողջապահության նախարար Արսեն Թորոսյանն ԱԱԾ կանչելու հիմքեր չկան: Այս մասին ԱԺ-ում լրագրողների հետ ճեպազրույցում հայտնեց ԱԱԾ տնօրեն Արգիշտի Քյարամյանը՝ մեկնաբանելով մամուլում շրջանառվող լուրերը:

Քյարամյանը հրաժարվեց պատասխանել այլ հարցերի՝ նշելով. «Թափանցիկ քաղաքականություն վարելու տրամաբանության սահմաններում, մեր մամուլի ծառայությունը համապատասխան մեխանիզմներով արդեն իսկ տրամադրում է»։

VERELQ-ը հիշեցնում է, որ ըստ մամուլի՝ Արսեն Թորոսյանի և վարչապետ Նիկոլ Փաշինյանի միջև առաջացած հակամարտության պատճառն այն է, որ Ազգային անվտանգության ծառայությունը կոտրել է Արսեն Թորոսյանի ֆեյսբուքյան էջը և բացահայտել նրա նամակագրությունը իր ընկերների հետ, որտեղ Թորոսյանը ամենավերջին ձևով հայհոյել է ու քննադատել Նիկոլ Փաշինյանին։ Իբրև ԱԱԾ-ի ձեռքում հայտնված նամակագրություններն են հենց պատճառ դարձել, որ Թորոսյանն ապաակտիվացնի իր ֆեյսբուքյան էջերը։