Ընտանեկան կարգավիճակի մասին տեղեկանքը կարելի է ստանալ նաև էլեկտրոնային տարբերակով

ՀՀ արդարադատության նախարար Ռուստամ Բադասյանը ֆեյսբուքյան գրառմամբ տեղեկացրել է, որ ընտանեկան կարգավիճակի մասին տեղեկանքը այսուհետ կարելի է ստանալ նաև էլեկտրոնային տարբերակով, ինչը հատկապես կհեշտացնի Սփյուռքում գտնվող մեր հայրենակիցների գործը:

«Ընտանեկան կարգավիճակի մասին տեղեկանքը կամ ինչպես հաճախ ասում ենք ամուսնության բացակայության մասին տեղեկանքը, որը հիմնականում ահրաժեշտ է Հայաստանի տարածքից դուրս ամուսնություն գրանցելու համար, այսուհետ կարող եք ստանալ նաև էլեկտրոնային տարբերակով։

Արդարադատության նախարարությունը գործարկել է e-services.moj.am հարթակ, որի արդյունքում այլևս հարկավոր չէ այցելել նախարարություն, իսկ արտասահմանում գտնվելու դեպքում՝ հյուպատոսություն, կամ լիազորագիր և հայտարարություն ուղարկել՝ տեղեկանքը ստանալու համար։

Հարթակից օգտվելու մանրամասներին կարող եք ծանոթանալ տեսանյութից, իսկ ես խոստանում եմ, որ արդարադատության նախարարությունը շարունակելու է թվային լուծումների միջոցով մեր հայրենակիցների կյանքը հեշտացնելուն ուղղված աշխատանքները»,- գրառել է նախարարը:

Նա նաեւ առավել մանրամսն տեղեկատվությամբ տեսանյութ է հրապարակել։