Սիմպտոմներ չունեցող քաղաքացիները կուղարկվեն տուն. Արսեն Թորոսյան

Մայիսի 22-ից հյուրանոցներում եւ հիվանդանոցներում կորոնավիրուսի ախտորոշմամբ գտնվող թեթեւ կամ սիմպտոմներ չունեցող քաղաքացիները կուղարկվեն տուն։

Այդ մասին 21-ին մամուլի ասուլիսի ժամանակ ասաց Առողջապահության նախարար Արսեն Թորոսյան, որի խոսքով, նոր պացիենտները, որ չեն ունենա, կամ կունենան թեթեւ սիմպտոմներ, կմնան տանը, չեն հոսպիտալացվի։

«Առողջության պահպանման առաջնային օղակները կզբաղվեն տանը գտնվող քաղաքացիների վերահսկողությամբ։ Նրանց հետ հեռավար դասընթացներ են տարվում», - ասաց Թորոսյանը։

Նախարարը նաև տեղեկացրեց, որ Հայստանի բժշկական հաստատությունների 375 աշխատակցի մոտ հաստատվել է կորոնավիրուսային վարակ։ «Այս պահի դրությամբ կորոնավիրուսային վարակով բուժաշխատողները ընդհանուր դեպքերի 6-7 տոկոսն են կազմում», - ասաց նա։

«Այս պահին բժշկական հաստատությունում 375 հոգու մոտ է հաստատվել, ինչը կազմում է մեր հիվանդների 6-7 տոկոսը։ Նրանք, լինելով ամենաբարձր ռիսկային գոտում գտնվող քաղաքացիները, ավելի շատ են հիվանդանում», - ասաց նախարարը:

Խոսքը, ըստ նախարարի, վերաբերվում է ոչ միայն բժիշկների եւ բուժքույրերի մասին, այլ նաեւ ոչ բժշկական անձնակազմի, օրինակ, շտապօգնության վարորդների, տեխնիկների։