29.03.2024
Վարդենիսում այս պահին կա կորոնավիրուսի հաստատված 47 դեպք. Գեղարքունիքի մարզպետ
prev Նախորդ նորություն

Նորություններ գործընկերներից

Ուկրաինայի ԱԳՆ-ն կոչ է արել պետպաշտոնյաներին չգործածել «հայոց ցեղասպանություն» եզրույթը

Ուկրաինայի արտաքին գործերի նախարարի տեղակալ Վասիլի Բոնդարը նամակ է հղել պետական մարմինների ներկայացուցիչներին՝ խնդրելով չմասնակցել Հայոց ցեղասպանության 105-րդ տարելիցի ոգեկոչման միջոցառումներին և չարտասանել «հայոց ցեղասպանություն» եզրույթը։


Վասիլի Բոնդարի նամակն իր ֆեյսբուքյան էջում հրապարակել է Ուկրաինայի Գերագույն ռադայի պատգամավոր, Հայաստանի հետ խորհրդարանական բարեկամության խմբի ղեկավարի տեղակալ Դարյա Վոլոդինան։



«Ուկրաինան չի ճանաչում Հայոց ցեղասպանությունը և կիրառում է «1915թ․ ողբերգական իրադարձություններ» արտահայտությունը», - ասված է Բոնդարի նամակում, որում նաև նշվում է որ Հայաստանը գտնվում է «ՌԴ արտաքին քաղաքականության ուղեծրում» և միջազգային կազմակերպություններում քվեարկում է Ուկրաինայի համար կենսական նշանակություն ունեցող բանաձևերի դեմ։


Հայոց ցեղասպանության հարցը, ըստ նամակի, զգայուն է Ուկրաինայի ռազմավարական գործընկեր Թուրքիայի համար։


Ռադայի պատգաավորը սուր քննադատության է ենթարկել փոխնախարարի նամակը՝ նշելով, որ ԱԳՆ-ն անտարբել է Ուկրաինայի և նրա առանձին քաղաքացիների ճակատագրի հանդեպ: «Սա նաև որոշակի անձանց անգրագիտության հետևանքն է, որոնք այնտեղ աշխատում են», - ասել է նա:


Պատգամավոր Վոլոդինան հիշեցրել է, որ Հայոց ցեղասպանությունը ճանաչել են Ֆրանսիան, Կանադան, Գերմանիան, Իտալիան ու Նիդերլանդները։


 

Կողմերը կարգավորման որևէ կոնկրետ պլան չեն քննարկում. Մասիս Մայիլյան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար