28.03.2024
Բակո Սահակյանը խորհրդակցություն է անցկացրել
prev Նախորդ նորություն

Նորություններ գործընկերներից

Հայաստանում սահմանվում է արտակարգ դրություն. կառավարությունը որոշում կայացրեց

Կառավարությունն այսօրվա՝ մարտի 16-ի նիստում, տևական քննարկումից հետո կորոնավիրուսի կանխարգելման նպատակով որոշում կայացրեց Հայաստանում արտակարգ դրություն սահմանելու վերաբերյալ:


«Հայաստանի ողջ տարածքում մարտի 16-ին, ժամը 18:30-ից, մինչև ապրիլի 14-ը հայտարարել արտակարգ դրություն: Արտակարգ դրության իրավական ռեժիմն ապահովելու համար ստեղծել պարետատուն: Պարետատան ղեկավարման համար պարետ նշանակել փոխվարչապետ Տիգրան Ավինյանին: Պարետատան կազմում ընդգրկվում են Հայաստանի վարչապետի աշխատակազմի ղեկավարը, Ֆինանսների, էկոնոմիկայի, տարածքային կառավարաման և ենթակառուցվածքերի նախարարները, Ոստիկանության պետն ու ԱԱԾ տնօրենը», - ասաց Արդարադատության նախարար Ռուստամ Բադասյանը՝ կարդալով արտակարգ դրություն սահմանելու մասին որոշան տեքստը:


Որոշումն ուղարկվելու է Ազգային ժողով հաստատման, որտեղ այսօր արտահերթ նիստ է տեղի ունենալու:


Վարչապետ Նիկոլ Փաշինյանը հայտարարեց, որ կորոնավիրուսի կանխարգելման նպատակով ստեղծված հանձնաժողովը վերածվում է պարետատան: Փաշինյանը նաև նշեց, որ Ռուսաստանի հետ հարաբերություններում որոշում է կայացվել սահմանափակել ուղևորահոսքը երկու շաբաթով: "Բեռնափոխադրումները բնականոն հունով ընթանալու են", - ասաց Փաշինյանը:


Սահմանադրության 120-րդ հոդվածի համաձայն՝ արտակարգ դրություն հայտարարվելու դեպքում իրավունքի ուժով անհապաղ գումարվում է Ազգային ժողովի հատուկ նիստ: Ազգային ժողովը կարող է պատգամավորների ընդհանուր թվի ձայների մեծամասնությամբ վերացնել արտակարգ դրությունը կամ չեղյալ հայտարարել արտակարգ դրության իրավական ռեժիմով նախատեսված միջոցառումների իրականացումը: Արտակարգ դրության իրավական ռեժիմը սահմանվում է օրենքով, որն ընդունվում է պատգամավորների ընդհանուր թվի ձայների մեծամասնությամբ:


ՀՀ Ազգային ժողովի նախագահ Արարատ Միրզոյանն արդեն պատգամավորներին ու աշխատակազմին խնդրել է պատրաստվել ԱԺ հատուկ նիստին:


Նախագիծն ամբողջությամբ՝ այստեղ։


 


 

Հայաստանի ու Արցախի անցակետերում ջերմաչափում կիրականացվի. Փաշինյան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար