Ունենք հաստատված 30 դեպք, որոնցից 1-ը՝ առողջացած. նախարար

Մարտի 16-ի առավոտյան ժամը 08.00-ի դրությամբ ունենք ևս 2 հաստատված դեպք, որոնցից մեկը փոխկապակցված է «Էջմիածնի» դեպքի հետ և ի սկզբանե մեկուսացված է եղել։

Ինչպես հայտնում է ՀՀ առողջապահության նախարար Արսեն Թորոսյանը, մյուս դեպքը փոխկապակցված է երեկ երեկոյան հաստատված 2 դեպքի հետ։

«Այս պահին ունենք հաստատված 30 դեպք, որոնցից 1-ը՝ առողջացած»,- գրել է նախարարը Facebook-ի իր էջում։

Ի դեպ, կորոնավիրուսի դեպքերից մեկն արձանագրվել է Երևանի արտադրական ձեռնարկություններից մեկում, գիշերն աշխատանքներ են տարվել` պարզելու նրա հետ շփման շրջանակը: