Ռազմիկ Աբրահամյանը կշարունակի մնալ ազատության մեջ

«Վերարտադրողական առողջության պերինատոլոգիայի, մանկաբարձության և գինեկոլոգիայի հանրապետական ինստիտուտի» տնօրեն Ռազմիկ Աբրահամյանը, ով մեղադրվում է երեխաների ապօրինի որդեգրման գործով, կշարունակի մնալ ազատության մեջ։

Այսօր նման որոշում կայացրեց Վերաքննիչ քրեական դատարանը:

Ավելի վաղ VERELQ-ը գրել էր, որ «Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտ» ՓԲ ընկերության տնօրեն Ռազմիկ Աբրահամյանը մեղադրանք է առաջադրվել քրեական գործի շրջանակներում՝ մի խումբ անձանց կողմից նախնական համաձայնությամբ, ծնողներից երեխային ապօրինի բաժանելու կասկածանքով: