ԵԱՀԿ Մինսկի խմբի համանախագահները պլանավորում են այցելել տարածաշրջան. Ռուսաստանի ԱԳՆ

ԵԱՀԿ Մինսկի խմբի համանախագահները պլանավորում են այցելել տարածաշրջան: Այս մասին ճեպազրույցում ասել է՝ Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան:

«Կարծում եմ, որ երկու պետությունների միջև ուղիղ բանակցությունների մասին կհայտարարեն այդ պետությունների ներկայացուցիչները: Կարող եմ ասել, որ Ադրբեջանի և Հայաստանի արտգործնախարարների հետ համաձայնեցնելով, ԵԱՀԿ Մինսկի խմբի համանախագահները նախատեսում են այցելել տարածաշրջան՝ բանակցություններ վարելու և Լեռնային Ղարաբաղի հիմնահարցի քննարկման համար: Առայժմ ճշտվում են ժամկետները, և մենք դրանց մասին կտեղեկացնենք լրացուցիչ», - ասել է նա: