Արմեն Սարգսյանը ցավակցական հեռագիր է հղել Արամ Ա-ի մոր մահվան կապակցությամբ

134

Հայաստանի նախագահ Արմեն Սարգսյանը եւ տիկին Նունե Սարգսյանը ցավակցել են Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսին՝ մոր՝ Լուսին Քեշիշյանի մահվան կապակցությամբ։


Այս մասին հայտնում են Հայաստանի Հանրապետության նախագահի աշխատակազմի հասարակայնության հետ կապերի վարչությունից։ Ցավակցական հեռագրում ասվում է.


«Վեհափառ Տեր,


Խորին ցավ ապրեցի՝ ստանալով Ձեր սիրելի մոր՝ մեծահարգ Լուսին Քեշիշյանի մահվան գույժը։


Քաջատեղյակ եմ տիրամայր Լուսինի հանդեպ Ձեր որդիական ջերմ զգացմունքին։


Լավագույն հիշողություններն ունենք հարգարժան Լուսին մայրիկից։


Ընդունեք, խնդրեմ, մեր եւ մեր ընտանիքի մխիթարանքի ու վշտակցության անկեղծ խոսքերը։


Հիշատակն արդարոց օրհնությամբ եղիցի»։

Տպել

Թեմայի այլ նորություններ
Загрузка...