Եթե երկրում դատարաններ են արգելափակվում՝ ներդրողները չեն գա. Քրիստիան Ֆորնեգ

Գերմանիայում սովորաբար դատարանները չեն արգելափակվում: Այս մասին Մարդու իրավունքների գրասենյակի կողմից կազմակերպված սեմինարի ժամանակ հայտարարեց Գերմանիայի Բունդեսթագի Քրիստոնյա-դեմոկրատական կուսակցության արտաքին քաղաքական և անվտանգության հարցերով ռեֆերենտ Քրիստիան Ֆորնեգը՝ անդրադառնալով հարցին, թե ինչո՞ւ եվրոպական ներդրումներ Հայաստան չեն գալիս:

«Սովորաբար դատարանները չեն արգելափակվում, ներդրողները պետք է վստահ լինեն»,- ասաց նա:

Նրա խոսքով, Գերմանիայից կամ եվրոպական այլ երկրներից ներդրումների ակնկալիքը կարող է լինել միայն այն ժամանակ, երբ եվրոպացի ներդրողները վստահ լինոն, որ Հայաստանում դատական համակարգն թափանցիկ է և գործում է անկախ:

«Եթե երկու-երեք դեպք հայտնի դառնա, երբ նմանատիպ գործողությունների արդյունքում դատական նիստը չի կայացել և ներդրողը կորցրել է մի քանի միլիոն, ապա ոչ մի ներդրող էլ չի գա»,-շեշտեց Ֆորնեգը: