Գազի գնի հարցը կվերադառնա հայ–ռուսական միջկառավարական հանձնաժողովի օրակարգ. փոխվարչապետ

Գազի գնի հարցը շուտով կվերադառնա հայ–ռուսական միջկառավարական հանձնաժողովի օրակարգ: Այս մասին ԱԺ-ում հայտարարեց ՀՀ փոխվարչապետ Մհեր Գրիգորյանը:

Նրա խոսքով, գազի գնի շուրջ բանակցությունները պետք է լինեն պերմանենտ գործընթաց և մշտապես ընթանան:

«Բանակցությունների արդյունքում պետք է գալ մի իրավիճակի, որ գին ֆիքսելու մեկ տարվա մշակույթը վերացվի տնտեսական հարաբերություններից»,- կարևորեց նա:

Հիշեցնենք, «Գազպրոմը» 2019թ.–ի հունվարի 1–ից բարձրացրեց գազի գինը Հայաստանի համար` հազար խմ–ի դիմաց 150 դոլարի փոխարեն սահմանելով 165 դոլար։ ՀՀ վարչապետ Նիկոլ Փաշինյանը հայտարարեց, որ ՀՀ–ում ներքին սակագինը կմնա անփոփոխ։