29.03.2024
ՀՀ պետական սահմանը խախտելիս վնասազերծվել է Ադրբեջանի քաղաքացի, նա վիրավորում է ստացել. ՊՆ
prev Նախորդ նորություն

Նորություններ գործընկերներից

Մադրիդյան սկզբունքները կարող են դառնալ դեմոգրաֆիական ռումբ Արցախի դեմ

ԼՂՀ ՊԲ նախկին հրամանատար Սամվել Բաբայանը հայտարարել է, որ պետք է հրաժարվել մադրիդյան սկզբունքներից՝ նշելով այդ սկզբունքների վտանգավորությունն Արցախի գոյության համար:


Շատ է խոսվում մադրիդյան սկզբունքներից՝ տարածքների վերադարձի հետ կապված՝ 7 կամ 5 շրջան, սակայն ոչ պակաս կարևոր է ադրբեջանցի փախստականների վերադարձն անվտանգության գոտի, ինչպես նաև նախկին ԼՂԻՄ տարածք: Այն իր հետ բերելու է նորանոր սպառնալիքներ:


Ադրբեջանցիներն իրենց փախստականներին պահում են, որպես դեմոգրաֆիական ռումբ՝ Արցախի դեմ, քանի որ նրանց վերադարձի պարագայում փոխվում է թե անվտանգության գոտու էթնիկ-կրոնական դեմքը՝ կառուցվում են նոր ավաններ, գյուղեր, մզկիթներ և այլն, թե ԼՂԻՄ-ի էթնիկ դեմքը: Խորհրդային շրջանում ԼՂԻՄ-ում բնակվում էին բազմաթիվ ադրբեջանցիներ, այդ թվում Շուշիում, Ստեփանակերտի շուրջ, ինչպես նաև տարբեր շրջաններում:


Ադրբեջանցիների վերադարձը Լաչինի շրջան նշանակում է, որ Լեռնային Ղարաբաղի ու ՀՀ-ի միջև կրկին առաջանում է ադրբեջանական սեպ․ նրանք անընդհատ հարվածի տակ են պահելու Լաչինի միջանցքն ու ցանկացած առիթի դեպքում հարձակումներ իրականացնեն ՀՀ-Արցախը միմյանց կապող այդ ճանապարհի վրա:


Ադրբեջանցիների վերադարձը Քելբաջար նույնպես նրանց հնարավորություն է տալիս հսկողություն հաստատել Վարդենիս-Մարտակերտ ճանապարհի վրա, որն անցում է Քելբաջարով։ ՀՀ-Արցախին կապող երկրորդ ճանապարհը նույնպես հայտնվում է ադրբեջանցիների հսկողության տակ՝ այստեղից բխող բոլոր հետևանքներով: Այս պահին ՀՀ-ն ու Արցախը ցանկանում են վերակառուցել Կապան-Կովսական ճանապարհը, որը Սյունիքի մարզը կապելու է Արցախին՝ ՀՀ-ն կունենա երրորդ ճանապարհը դեպի Արցախ ու նրա հարավային մերձարաքսյան շրջաններ:


Սակայն մադրիդյան սկզբունքներն ենթադրում են նաև Կովսականի (նախկին Զանգելան) ու մյուս մերձարաքսյան շրջանները վերադարձնել Ադրբեջանին ու այնտեղ նույնպես պետք է վերադառնան ադրբեջանցիներ:


Միայն ժողովրդագրական գործոնի շնորհիվ առանց մեկ կրակոցի Ադրբեջանն իր հսկողությունը կարող է հաստատել ՀՀ-Արցախին կապող երեք ճանապարհների վրա, որոնք կյանքի ճանապարհ են, ինչպես նաև սեպ ստեղծել Արցախի ու ՀՀ-ի միջև։ Այդ տարածքներում վերաբնակվելու են ադրբեջանցիներն ու սպառնան թե Արցախի թիկունքին, թե ՀՀ-ի Սյունիքի, Գեղարքունիքի և այլ մարզերին:


Մադրիդյան սկզբունքների կյանքի կոչումը տանելու է Արցախի հայաթափմանն, ու նշված շրջանի դեմոգրաֆիական դեմքի փոփոխության հետևանքով՝ Մեծ Թուրանի կյանքի կոչմանը:

Լարված շաբաթ առաջնագծում. հրադադարի պահպանման ռեժիմի 250 խախտում, 3000 կրակոց
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար