Թուրքիան 2023 թ-ին սեփական արտադրության առաջին կործանիչը կներկայացնի

Թուրքիայի փոխնախագահ Ֆուաթ Օքթայը հայտարարել է, որ երկիրը մտադիր է 2023 թվականին ներկայացնել սեփական արտադրության առաջին կործանիչը:

Առաջին թուրքական կործանիչի շնորհանդեսը կկայանա 2023 թվականին, իսկ սպառազինություն այն ծրագրում են ներառել 2031 թվականին:

«Մենք կարող ենք այն տեսնել երկնքում արդեն 2026 թվականին»,- ասել է Օքթայը:

Սեփական կործանիչ ստեղծելու Թուրքիայի մտադրությունների մասին հայտնի էր դարձել 2017 թվականին: Այն ժամանակ այդ մասին հայտնել էր պաշտպանության փոխնախարար Նուրեթին Ջանիքլին: Նրա խոսքով՝ Թուրքիան այդպիսի որոշում է կայացրել այլ երկրներից և ընկերություններից անկախ լինելու նպատակով: