Ադրբեջանական դիրքապահների կրակոցները վախեցրել են Ուորլիքին

ԵԱՀԿ Մինսկի խմբի համանախագահների՝ ղարաբաղա-ադրբեջանական շփման գիծը հատելու ժամանակ, հնչել են շարունակական կրակոցներ, որոնք վախեցրել են միջնորդներին և ստիպել նրանց հագնել զրահաբաճկոններ:

«Երբ մենք անցնում էինք շփման գիծը, շարունակական կրակոցները ստիպեցին ԵԱՀԿ դիտորդներին զրահաբաճկոններ հագնել. սա անընդունելի է»,- Twitter և Instagram սոցիալական կայքերի իր էջերում այսպիսի գրառում է կատարել ԵԱՀԿ Մինսկի խմբի ամերիկացի համանախագահ Ջեյմս Ուորլիքը՝ հրապարակելով մի լուսանկար:

Հայկական կողմը պնդում է, որ կրակոցներն արձակել են ադրբեջանական դիրքապահները: