Փորձագետ. Գյումրիի 102-րդ ռուսական ռազմակայանը զսպող գործոն է թուրքական նկրտումների դեմ

Լեռնային Ղարաբաղում ռազմական գործողությունների վերսկսման դեպքում դրանք կարող են տեղափոխվել ՀՀ-ի տարածք: Դրա մասին են վկայում Ադրբեջանի բազմաթիվ հայտարարությունները: Չեն բացառվում նաև թուրք-ադրբեջանական համատեղ գործողություններ: Այս պարագայում Գյումրիում գտնվող 102-րդ ռուսական ռազմակայանը զսպող գործոն է թուրքական նկրտումների դեմ: Այդ ռազմակայանը պաշտպանում է ՀՀ-ին Թուրքիայից: Այդ մասին հայտարարել է փորձագետ Վլադիմիր Եվսեևը:

Նա նշել է, որ հայ-ռուսական ռազմական կապերի թուլացումը կարող է ՀՀ-ին դնել լուրջ վտանգների առջև և փաստ չէ, որ Երևանը կարողանա դրանք ինքնուրույն լուծել: Արևմուտքը ՀՀ-ին չի պաշտպանելու:

Նրա խոսքով, եթե ՀՀ-ն կորցնի Ղարաբաղը դա կլինի աղետ ամբողջ ՀՀ-ի ու հայության համար: Ոչ ՆԱՏՕ-ն, ոչ ԱՄՆ-ն, ոչ Մեծ Բրիտանիան չեն պաշտպանելու ՀՀ-ին, որը միայնակ կմնա`թշնամիներով շրջապատված: