Ադրբեջանը խաղաղապահ առաքելություն է ուղարկում Հարավային Սուդան

Ադրբեջանցի զինվորականները մինչև հունվարի վերջ կմեկնեն Հարավային Սուդան` խաղաղապահ առաքելություն իրականացնելու նպատակով: Այդ մասին հայտարարել է Ադրբեջանի ՊՆ մամուլի խոսնակ Վագիֆ Դյարգյահլին:

Նա նշել է, որ այս պահին ավարտին է մոտենում նրանց ուղարկելու գործընթացի նախապատրաստությունը:

Ադրբեջանի խորհրդարանը 2018թ.-ին հավանություն էր տվել`Հարավային Սուդան խաղաղապահ առաքելություն ուղարկելու մասին օրենքին:

Ադրբեջանցիները մասնակցում են խաղաղապահ առաքելությանն Աֆղանստանում, իսկ մինչ այդ`Կոսովոյում ու Իրաքում: