Հայ-ռուսական հարաբերությունները զերծ են կաղապարներից․ ՌԴ-ում ՀՀ դեսպանը՝ Բոլթոնին

240

Հայ-ռուսական հարաբերություններում չկան եւ չեն կարող լինել որեւէ պատմական կաղապարներ։ Այս մասին «Էխո Մոսկվի»–ին տված հարցազրույցում հայտարարել է Ռուսաստանում Հայաստանի դեսպան Վարդան Տողանյանը՝ մեկնաբանելով ԱՄՆ նախագահի` անվտանգության հարցերով խորհրդական Ջոն Բոլթոնի հայտարարությունը։


Հայաստան այցի ժամանակ Ջոն Բոլթոնն «Ազատություն» ռադիոկայանին տված հարցազրույցում ասել է, որ առաջարկել է Փաշինյանին գնել ամերիկյան, և ոչ ռուսական ռազմատեխնիկա։ Նա նաեւ խորհուրդ էր տվել Հայաստանին հրաժարվել «պատմական կաղապարներից» եւ ամրապնդել իր ինքնիշխանությունը։


«Հայ-ռուսական հարաբերությունները հիմնված են ազգային շահերի վրա եւ ունեն խորը արմատներ։ Այստեղ ոչ մի պատմական կաղապարների մասին խոսք անգամ լինել չի կարող։ Իսկ վերջին տարիներին այդ հարաբերույթւոնները զարգացել են շատ պոզիտիվ ու հենց հաշվի առնելով փոխադարձ շահերն», - ասել է դեսպանը։


Դեսպանը նշել է, որ Բոլթոնի հետ Երեւանում հանդիպմանը ՀՀ ղեկավարության կողմից զենք ձեռք բերելու հարց չի քննարկվել` դա բանակցությունների թեմա չի եղել։ «Բոլթոնը հարցազրույցի ժամանակ խոսել է ԱՄՆ Կոնգրեսի կողմից զենքի վաճառքի խոչընդոտները վերացնելու հավանականության մասին»,– ասաց դեսպանը։


Նա հիշեցրեց, որ Հայաստանի վարչապետի պաշտոնակատար Նիկոլ Փաշինյանը հայտնել է միայն այդ առաջարկը դիտարկելու պատրաստակամության մասին։


«Նախևառաջ, առաջարկություններ չեն եղել։ Երկրորդ, պետք է հաշվի առնել, որ զենքի շուկան, մի կողմից, սովորական շուկա է, բայց կան որոշակի ռազմատեխնիկական իրողություններ։ Մենք շատ սերտ համագործակցում ենք այդ բնագավառում Ռուսաստանի հետ, մեր զինված ուժերը, սպաները սովոր են ռուսական զենսին, սպասարկմանը, և մենք համապատասխան պայմաններ ունենք»,– ասաց Տողանյանը։


Դեսպանը հիշեցրեց, որ Հայաստանը հնարավորություն ունի զենք գնել ներռուսական գներով։ «Արտահանողական վարկի պայմանագիր գոյություն ունի, անցած տարիների ընթացքում Հայաստանն օգտվել է 200 մլն դոլարի վարկից, այնուհետև բացվել է 100 մլն դոլարի երկրորդ գիծը»,– ասաց Տողանյանը՝ հավելելով, որ պետք է շարունակել այդ դրական ձեռնարկումները։


Հիշեցնենք, որ Բոլթոնի հայտարարությանը Երեւանումհոկտեմբերի 28-ին բավականին կտրուկ արձագանքել էր նաեւ ՌԴ ԱԳՆ-ն՝ որակելով այն Հայաստանին ներքին գործերին խառնվելու փորձ եւ բացահայտ ոչ նրբանակատ դիվանագիտական քայլ։

Տպել

Թեմայի այլ նորություններ
Загрузка...