Թրամփը մտահոգություն է հայտնել Թուրքիայում սաուդացի լրագրողի անհետացման առնչությամբ

ԱՄՆ նախագահ Դոնալդ Թրամփը մտահոգություն է հայտնել Ստամբուլում սաուդացի լրագրող Ջամալ Խաաշկղիջիի անհետացման առնչությամբ:

«Ես մտահոգված եմ այդ առնչությամբ»,- ասել է Թրամփը լրագրողի ճակատագրի մասին հարցին ի պատասխան:

Անցյալ շաբաթ ԶԼՄ-ների թուրք-արաբական ասոցիացիան հայտնել էր, որ ԱՄՆ-ում բնակվող ու ամերիկյան Washington Post թերթի համար աշխատող Խաաշկղիջին կորել է Թուրքիայում՝ Ստամբուլում գտնվող Սաուդյան Արաբիայի գլխավոր հյուպատոսություն մտնելուց հետո:

Օրեր առաջ հյուպատոսարան մուտք գործած ու այնտեղից այդպես էլ դուրս չեկած սաուդացի հայտնի ընդդիմադիր լրագրող Խաաշկղիջին, ըստ թուրքական ոստիկանության վարկածի, սպանվել է շենքի ներսում: Սաուդյան Արաբիայի հյուպատոսությունը հերքել է այդ վարկածն ու շարունակել պնդել, որ լրագրողը դուրս է եկել շենքից ու կորել դրանից հետո միայն: