Հունգարիայի վարչապետը պաշտպանել է Թուրքիային

Եվրոպական միությունն «անկեղծ» չէ Թուրքիայի հետ՝  ԵՄ-ին միանալու նրա ջանքերի հետ կապված։ Այս մասին Ռեջեփ Թայիփ Էրդողանի հետ Բուդապեշտում հանդիպման ժամանակ ասել է Հունգարիայի վարչապետ Վիկտոր Օրբանը՝ տեղեկացնում է AP-ն։

Նա նշել է, որ ԵՄ-ն պետք է որոշի՝ ուզո՞ւմ է ինքը «համակողմանի, խորը համակործակցություն» Թուրքիայի հետ, թե՞ ոչ։

«Ես չեմ հասկանում այն, որ մենք թեկնածու երկրին ասում ենք ուզում ենք բանակցություններ վարել այն դեպքում, երբ ազդեցիկ երկրները հայտարարել են, որ իրենք երբեք այս երկրին ԵՄ չեն ընդունի»,- ասել է Օրբանը եւ նշել, որ Թուրքիայից պետք է «օրինակ վերցնել»։