Հանցագործը կողոպտել է «Գաֆրի» ոսկու սրահն ու դիմել փախուստի՝ վնասելով կայանած մեքենաներ

Այսօր՝ հունիսի 25-ին, կողոպուտ է տեղի ունեցել Երևանի Մոսկովյան 8 հասցեում գործող «Գաֆրի» ոսկու սրահից: Հանցագործը աշխատակցուհուց պահանջել է ոսկյա զարդ, իբրև թե գնում է այն և դիմել է փախուստի: Այս մասին հայտնում է shamshyan.com-ը:

Աղբյուրը հայտնում է, որ փախուստի ընթացքում իր վարած Mercedes մակնիշի 35 MV 752 համարանիշի ավտոմեքենայով նա վնասել է մի քանի ավտոմեքենանաներ, սակայն չի կարողացել փախուստի դիմել, դուրս է եկել ավտոմեքենայից ու դիմել փախուստի: 

Դեպքի հանգամանքները պարզվում են:

Հանցագործը վնասել է BMW մակնիշի 34 ԼR 238 համարանիշի, Subaru մակնիշի 34 RT 987 համարանիշի, Suzuki մակնիշի 17 XX 888 համարանիշի, Mercedes մակնիշի 34 ԼC634 համարանիշի և Lexsus մակնիշի 01 PP 100 համարանիշի ավտոմեքենաները: Վերջինիս ավտոմեքենայում հայտնաբերվել է վարորդական իրավունքի վկայական: