Վրաստանի նախկին նախագահի կուսակցությանը սատարում է քաղաքացիների 8%-ը. CRRC-Վրաստան

Եթե վաղը Վրաստանում խորհրդարանական ընտրություններ լինեն, ո՞ւմ կտաք ձեր ձայնը հարցին, հարցվածների 26%-ը հայտարարել է, որ կսատարեր իշխող կուսակցությանը, 8%-ը կնախընտրեին «Միասնական ազգային շարժում» կուսակցությունը, որի առաջնորդը շարունակում է մնալ նախկին նախագահ Միխայիլ Սաակաշվիլին, իսկ 4%-հայտարարել է, որ կաջակցեր ընդդիմադիր «Եվրոպական Վրաստան» կուսակցությանը:

Հարցվածների 30%-ը հայտարարել է, որ դեռ չի կողմնորոշվել ընտրության հարցում, 13%-ը չի աջակցում ոչ մի կուսակցության, իսկ 9%-ը հայտարարել են այլ կուսակցությունների սատարելու մասին:

NDI-ի պատվերով իրականացված հարցմանը 2194 քաղաքացի է մասնակցել՝ ընթացիկ տարվա մարտի 20-ից ապրիլի 4-ն ընկած ժամանակահատվածում: