Դմիտրի Մեդվեդևը շնորհավորել է Նիկոլ Փաշինյանին

ՌԴ վարչապետի պաշտոնակատար Դմիտրի Մեդվեդևը շնորհավորել է Նիկոլ Փաշինյանին՝ Հայաստանի վարչապետի պաշտոնում ընտրվելու առթիվ: Այս մասին հայտնում է ՌԴ կառավարության կայքը:

«Վստահ եմ, որ առևտրատնտեսական, գիտատեխնիկական և մշակութահումանիտար հարաբերությունների հետագա զարգացումը, տարբեր ոլորտներում համատեղ ծրագրերի իրականացումը, ԵԱՏՄ-ի շրջանակում փոխգործակցության ամրապնդումը բխում են Հայաստանի և Ռուսաստանի շահերից», - մասնավորապես նշել է Մեդվեդևը իր շնորհավորական ուղերձում:

Հիշեցնենք, Նիկոլ Փաշինյանին առաջինը շնորհավորել է ՌԴ նախագահ Վլադիմիր Պուտինը: