Վարդան Արամյանը, Դավիթ Լոքյանը եւ Սուրեն Կարայանը վերանշանակվել են իրենց պաշտոններում

Նախագահ Արմեն Սարգսյանն այսօր հրամանագրեր է ստորագրել Վարդան Արամյանին ֆինանսների նախարար, Դավիթ Լոքյանին տարածքային կառավարման և զարգացման նախարար, Սուրեն Կարայանին տնտեսական զարգացման և ներդրումների նախարար նշանակելու մասին, հայտնում են նախագահի մամուլի գրասենյակից:

Մինչ այդ Արմեն Սարգսյանի հրամանագրով պաշտպանության նախարարի պաշտոնակատար Վիգեն Սարգսյանը եւ արտաքին գործերի նախարարի պաշտոնակատար Էդվարդ Նալբանդյանը նշանակվել էին պաշտպանության նախարար եւ ԱԳ նախարարի պաշտոններում:

Մինչ այդ Արմեն Սարգսյանի հրամանագրերով Կարեն Կարապետյանը նշանակվել էր առաջին փոխվարչապետ: Հաջորդ երկու հրամանագրերով Արմեն Գևորգյանն ու Վաչե Գաբրիելյանը նշանակվել են փոխվարչապետեր:

Ավելի վաղ Արմեն Գևորգյանն ազատվել էր Հանրապետության նախագահի աշխատակազմի ղեկավարի պաշտոնից: Իսկ Վարդան Մակարյանը նշանակվել է Հանրապետության նախագահի աշխատակազմի ղեկավարի ժամանակավոր պաշտոնակատար: