Երևանում սպասվում է «պատմության մեջ ամենաբազմամարդ հանրահավաքը»

«Քայլ արա» նախաձեռնության առաջնորդ, ԱԺ պատգամավոր Նիկոլ Փաշինյանը քիչ առաջ հայտարարեց, որ այսօր ժամը 18.30-ին Հանրապետության հրապարակում տեղի է ունենալու Հայաստանի պատմության մեջ ամենաբազմամարդ, ամենամասշտաբային հանրահավաքը:

Ոչ բռնի թավշյա հեղափոխության մասնակիցները շարունակում են քայլել Երևանի փողոցներով և շրջափակել կառավարական շենքերը: Արդեն իսկ շրջափակվել են ԱԳՆ, ՊԵԿ շենքերը, Գլխավոր դատախազությունը և այլն:

Այս պահին ցուցարարները Նիկոլ Փաշինյանի գլխավորությամբ, շարունակում են շարժվել Երևանի փողոցներով` շրջափակելով ճանապարհին տեղակայված կառավարական շենքերը:

Մոսկվայի մեր հայրենակիցները մուտք են գործել ՌԴ-ում ՀՀ դեսպանատուն և նստացույց են սկսել: