Ֆրանսիան զորք կուղարկի սիրիական Մանբիջ քրդերին օգնելու

Ֆրանսիայի իշխանությունները որոշել են զորք ուղարկել սիրիական Մանբիջ՝ քրդերի ինքնապաշտպանական ուժերին օգնելու նպատակով: Այդ մասին հայտնել է Parisien թերթը Սիրիայի ժողովրդավարական ուժերի փարիզյան պատվիրակության ներկայացուցչի վրա հղումով:

Մարտի 29-ին Սիրիայի ժողովրդավարական ուժերի պատվիրակությունը հանդիպում է ունեցել Ֆրանսիայի նախագահ էմանուել Մակրոնի հետ:

Ըստ պատվիրակության անդամի, նախագահը մտադիր է շատ շուտով ֆրանսիական բանակի հատուկ նշանակության ստորաբաժանումներ գործուղել Մանբիջ: Քանակը չի նշվում։