ՌԴ հետախույզները Փամբակում զորավարժանք են անցկացնում՝ ԱԹՍ-ների հսկողությամբ

ՀՀ-ում տեղակայված ՌԴ ռազմաբազայի ռուսական զորքերի հետախուզության ստորաբաժանումների զինծառայողները լեռնային Փամբակի զորավարժարանում մասնագիտական հմտություններ են յուրացնում՝ անօդաչու թռչող սարքերի հսկողությամբ:

Մինչ մեկնարկը զինծառայողները ծանոթացել են անվտանգության նորմերին, այն վարքականոններին, որոնք պահանջվում են լեռներում գտնվելու ընթացքում եւ լեռնագնացության հիմնական առանցքային կետերին: Ներկա պահին զինվորականները յուրացնում են լեռների կտրուկ լանջերում լեռնագնացության ժամանակ պահանջվող տարրական էլեմենտները, հաղթահարում են նորմատիվային վերելքներն ու վայրէջքները, զինված եւ հատուկ լեռնային հանդերձավորմամբ: Տեղանքի կտրուկ հատվածներում հետախույզները սովորում են հաղթահարել արգելքներն ու կիրառել բարդ ալպինիստական հնարքներ՝ օգտագործելով անհատական անվտանգության համակարգ: 

Դասընթացի նախապատրաստական փուլում տեղանքի կտրուկ-լեռնային հատվածում ուսումնասիրություններ են անցկացնում անօդաչու թռչող սարքերը: Անօդաչու ավիացիայի շնորհիվ իրականացվում է հետախուզական խմբի կողմից կատարվող ուսումնական հանձնարարության մոնիթորիգ: Փամբակի «Անդրկովկաս» զորավարժարաններում անցկացվող լեռնագնացության գործնական պարապմունքին մասնակցում է մոտ 300 զինծառայող, ներգրավված է մոտ 50 միավոր ժամանակակից զինվորական տեխնիկա, այդ թվում՝ անօդաչու թռչող համակարգեր: